[女足] 競猜女足歐國盃冠軍

Winston91 · 發表於 2022-7-7 20:38:43

本帖最後由 Winston91 於 2022-7-7 20:38 編輯

四年一度嘅女足歐國盃繼開幕戰英格蘭主場1:0贏奧地利後展開，決賽週有16支參賽隊，決賽於7月31日在温布萊球場舉行。
女足大部分強隊都在歐洲，今年16支參賽隊，技術水平非常高，有4支世界排名前五，6支世界排名前十，12支世界排名前廿，真係可以當小型世界盃睇。
以下介紹六支熱門和其明星球員，方便大家睇波：

(1) 西班牙
西班牙只是世界排名第七，但被博彩公司評為頂頭大熱，主要原因係擁有以下三位巴塞隆拿嘅進攻鐵三角：2021金球奬和FIFA最佳球員Alexia Putellas, 入球機器Jenni Hermoso和Aitana Bonmatí, 但可惜Putellas和Hermoso都受傷沒有入選最後陣容，如果只靠Bonmatí, 爭冠唔容易。西班牙被編在最難打嘅B組，同組有強隊德國、世界排名第15兼上屆亞軍丹麥和芬蘭。除咗芬蘭其他兩隊都好難打，如果要爭小組第一避開A組嘅英格蘭，對德國呢場好關鍵。

(2) 英格蘭
雖然世界排名第八，但係有主場優勢，被評為次熱門。編到A組，同組最強係世界排名第11嘅挪威，已經贏咗嘅奧地利和魚腩隊北愛爾蘭。所以小組出線應該冇問題，爭小組第1就要問過挪威。留意嘅球員係攞過英超年度最佳年青球員嘅曼城邊鋒Lauren Hemp。

(3) 法國
世界排名第三嘅法國係賽事四大熱門之一，法國最近15場比賽只係得1敗，仲係友賽輸美國，不過法國隊最大問題係內鬥。被編到D組，同組有意大利、比利時和冰島，呢三隊雖然世界排名前廿，應該影響唔到法國攞小組首名出線。明星球員肯定係效力PSG嘅Marie-Antoinette Katoto, 今季44場入46球，今年金球奬大熱門。

(4) 荷蘭
世界排名第四兼上屆歐國盃冠軍，被編到C組，同組有瑞典、葡萄牙和瑞士，小組出線唔係問題，爭首名出線嘅對手係世界排名第二嘅瑞典。明星球員係效力兵工廠嘅英超神射手Vivianne Miedema, 佢代表國家隊出賽108場入92球，荷蘭能走幾遠，就睇佢入唔入到波。

(5) 瑞典
世界排名第二，奧運銀牌。被編到C組，如冇意外，應該與荷蘭爭小組首名出線，佢哋必殺技係死球戰術。球員比較平均，較為突出係效力兵工廠嘅前鋒Stina Blackstenius。

(6) 德國
世界排名第五, 前奧運金牌。傳統強隊，不過最近狀態低迷，世界盃預賽剛剛輸比塞爾維亞，小組正接出線有暗湧。被編到最難打的B組，有頂頭大熱西班牙和上屆亞軍丹麥。明星球員係效力PSG嘅中場Sara Dabritz。

補充內容 (2022-7-28 08:11):
各位師兄投票前二名，英格蘭和德國晉級決賽，周一凌晨就知最後那隊奪冠