辛祖度假着波衫操練 想博取坦哈格歡心？

小哥阿四

曼聯翼鋒查頓辛祖飛咗去美國度假，但並冇偷懶，仲着住紅魔鬼球衣操練，放上社交網，證明自己好勤力，對球隊好忠心，但網民認為佢似做戲，想博取曼聯新領隊坦哈格歡心。

從查頓辛祖自拍相片見到佢身水身汗，似啱啱跑完步，但網民覺得呢位英格蘭國腳着住比賽波衫訓練，比較奇怪，似係做樣畀人睇，可能純粹扮勤力呃Like。

另一位曼聯球員拉舒福特早前亦將操練片放上社交網，查頓辛祖今次都唔執輸，可能想話畀坦哈格知，自己鬥心十足。

曼聯將於6月27日開操，到時查頓辛祖、拉舒福特就有大把機會表演畀坦哈格睇，證明自己狀態有幾弗。

Winston91

回復 小哥阿四 ##1 的帖子

肯扮勤力都唔錯啦

LasCases

表現好一般。