【官宣】巴塞簽19歲新星　下一個加維？

小哥阿四 · 發表於 2022-6-17 11:38:58

巴塞隆拿收購羅拔利雲度夫斯基等大計未有進展，不過周四(16日)率先宣布今夏第1簽，球隊由桑坦德簽入19歲中場柏保路托利，轉會費為500萬歐元，連埋浮動獎金條款最多可達2,000萬歐元！

司職進攻中場嘅柏保路托利，今次同巴塞隆拿簽約到2026年，雖然佢暫時會先踢巴塞B隊，不過西班牙傳媒指佢肯定會喺一隊有上陣機會，尤其教練沙維對佢非常欣賞，親自打電話遊說佢加盟。柏保路托利表示：「我好震驚，好驚訝沙維對我有咁深入嘅認識，佢向我解釋巴塞嘅計劃，解釋球隊希望我可以貢獻到乜嘢，美斯、沙維同恩尼斯達係我嘅偶像，我想向佢哋學習。」

巴塞隆拿近年積極提拔年輕球員，加維、柏迪、安素法迪等等都已經成為西班牙大國腳，柏保路托利有望成為下一粒明日之星。