【官宣】基亞連尼登陸美職 加盟FC洛杉磯

小哥阿四

美職球隊FC洛杉磯宣布簽入意大利名將基亞連尼，簽約18個月，預料呢位37歲老將最快可以喺7月9日「洛杉磯打吡」首次披甲，主場迎戰洛杉磯銀河。

由於意大利未能打入今屆世界盃決賽周，基亞連尼早前已經宣布結束國際賽生涯，並且離開效力咗17年嘅意甲勁旅祖雲達斯。雖然呢位中堅年紀已大，加上近年經常受傷，但並未打算掛靴，於是選擇轉戰美職。

FC洛杉磯成立唔夠8年，會方近年積極簽入世界級球星，提升球隊知名度，包括擁有曾效力阿仙奴嘅墨西哥國腳卡路士韋拿。

FC洛杉磯管理層大讚基亞連尼大戰經驗豐富，包括協助意大利奪得上年歐國盃冠軍，以佢嘅資歷足以擔當「助教」角色，提點FC洛杉磯隊友比賽，從而提升球隊整體表現。

LasCases

去美職養老。