坦哈格「大膽變革」 雲迪碧克取代般費

小哥阿四

坦哈格成為曼聯新帥之後，下季點樣排陣用人，深受各界關注，英格蘭轉會專家Dean Jones分析認為呢位荷蘭名帥將重用昔日阿積士愛將雲迪碧克，甚至會以呢位中場取代般奴費南迪斯嘅正選位置。

雲迪碧克2年前由阿積士轉投曼聯後，被投閒置散，今年1月更被外借去愛華頓。據悉呢位25歲荷蘭國腳曾經向會方提出離隊要求，希望轉投羅馬，但坦哈格安慰呢位昔日愛將，表明下季會以佢為主力。

事實上，坦哈格執教阿積士時期，曾經以雲迪碧克同法蘭基迪莊作為球隊「雙核」，佢執掌紅魔鬼帥印後，亦立即提出向巴塞隆拿收購法蘭基迪莊，如果成事，就可以重組當年「夢幻組合」，所以Dean Jones認為雲迪碧克來季必定獲得重用。

若然雲迪碧克同法蘭基迪莊可以一齊拍住上，般奴費南迪斯嘅正選位置就可能不保，呢位葡萄牙國腳近半年表現急速走下坡，如果新球季再冇改善，的確好可能被坦哈格打入冷宮。

Winston91

回復 小哥阿四 ##1 的帖子

B費可以同雲廸碧克共存，不過要睇坦哈格點執隊波

LasCases

有使用說明書。