|
|

葡萄牙球星C朗魅力驚人,其社交網Instagram帳戶嘅「粉絲」數目已經達到4.5億,排世界第1位,比排第2位嘅美國女藝人Kylie Jenner多超過1億,甚至多過20間英超球會嘅Instagram「粉絲」數目總和,實在誇張。
C朗已經37歲,屬於球員生涯「暮年」,但無論球場上表現,亦或場外人氣,仍處於高峰,並成為「IG之王」,「粉絲」多達4.5億,宿敵美斯有3.33億,排全球第3位。反觀20支英超球隊嘅球會IG「粉絲」總和僅2.6億,證明兩人魅力凌駕球隊。
C朗嘅IG「粉絲」數目與日俱增,亦為佢帶來龐大收入,根據統計2021年9月,C朗IG「粉絲」數目為2.37億,當時佢平均每個IG貼文廣告費為100萬鎊,去到今年2月,「粉絲」增至4億,佢平均貼文廣告費升至172萬鎊,如今「粉絲」又大幅增加,C朗出貼廣告費勢必水漲船高。
|
|