古圖奧斯阻23次攻門 皇馬1：0紅軍封王

人口

歐聯決賽周六在巴黎聖但尼球場上演，皇家馬德里幾近全場受壓，但憑古圖奧斯左飛右撲，加上雲尼素斯一箭定江山，以1:0擊敗全場有23次攻門的利物浦，第14次捧走大耳盃。
利物浦一對中場艾簡達拿、法賓奴傷癒復出，三叉戟為沙拿、沙迪奧文尼、路爾斯迪亞斯。皇家馬德里由費達歷高華維迪出任右翼，配合賓斯馬、雲尼素斯（Vinicius Junior），後備席有洛迪高、夏沙特、加利夫巴爾。

經過試探性的開局後，紅軍首先進入狀態，沙拿先後埋門都無功而回。21分鐘，文尼在禁區邊獲得皮球，連過兩關後射地波，古圖奧斯瞓身撲到再中柱彈出。利物浦一直佔優，阿歷山大阿奴在34分鐘傳中，沙拿衝頂再次撲逃不過古圖奧斯。

皇馬踢得甚有耐性，慢慢站穩陣腳，等待反擊機會。44分鐘，紅軍防守犯錯，阿里遜、干拿迪相撞，讓賓斯馬接應過頭波射入，但被VAR判越位在先。皇馬10次進攻裡只得1次以攻門終結，相反利物浦有多達10次，雙方半場互無紀錄。

紅軍易邊後加快比賽節奏，但皇馬在59分鐘憑快攻先開紀錄，華維迪在右路突破後半傳半射，雲尼素斯於遠柱射入。65分鐘，沙拿在右路妙射遠柱，古圖奧斯飛身撲出，利物浦未能追平。

利物浦在換入迪奧高祖達，後者在4分鐘後立即有貨交，頭槌攻門笠過古圖奧斯，後者趕在沙拿補一腳前回身救出。83分鐘，法賓奴扭過費朗文迪後勁射，古圖奧斯單手救出，堅守城池，帶領皇馬以1:0力克利物浦，繼2018年後再於歐決擊敗紅軍，第14次成為歐洲之王，近9季5度登頂。

BB29

皇馬捧大耳盃

小強173

利物浦雖敗猶榮，
皇馬個守龍門上哂身。而且知道鬥攻不一佔優勢。
踢法似穩守突擊，成功捧杯！恭喜皇馬啦

LasCases

靠晒古圖斯。

Winston91

小強173 發表於 2022-5-29 07:31
利物浦雖敗猶榮，
皇馬個守龍門上哂身。而且知道鬥攻不一佔優勢。
踢法似穩守突擊，成功捧杯！恭喜皇馬啦

其實肥安嘅諗法好簡單，皇馬球員年紀大，唔會同你搶迫，係自己後場站好位置，比利記攻，等一次轉守為攻嘅機會，因為前鋒有賓施馬和雲尼素斯咁高質球員，把握能力好強，一次機會就夠，好似賓施馬上半場個越位球係皇馬上半場唯一射正門，唔係VAR判唔入，上半場已經領先啦。利記上半場雖然攻勢多，但威脅性有限可能同延遲成半個鐘開波有關，頭30分鐘好似仲未進入狀態，之後輸一粒，加上古圖奧斯有狀態，要入波追平更難，今場波只能講一定緊湊但精彩不足。