|
|
曼城奪冠有唔少感人場面，其中辛真高捧盃流下男身淚一幕，令人動容，呢位烏克蘭國腳嘅國家及家人仍然身陷戰火，賽後佢披上烏克蘭國旗，舉起英超獎盃，以痛哭來宣洩情緒。
25歲嘅辛真高今仗下半場入替費蘭甸奴，交出助攻予洛迪卡斯簡迪扳平，協助球隊落後下反勝維拉，完場後哭成淚人，頒獎前為獎盃披上烏克蘭國旗，將勝利獻給苦難中嘅同胞。
國家飽歷戰火，辛真高表示感謝曼城喺呢段困難時間，對佢同家人嘅支持：「喺最初嗰陣，我冇諗過足球嘅事，因為國家面臨生死存亡，但喺呢段時間我得到好多支持，大家對我嘅心意已經代表一切。我願意為佢哋奉獻生命，因為佢哋為我做嘅一切，我好欣賞，亦永世難忘。」
辛真高表示，如果可以嘅話，想將英超獎盃帶返烏克蘭：「我為烏克蘭人民感到自豪，希望可以將錦標帶回國，獻畀所有烏克蘭人民，佢哋應得嘅。」
|
|
在線雷達
發表於 2022-5-24 14:06:15
廣播
置頂
超級提昇
強效提昇
推舊帖
收嗲鳥
油顏色
