搵教練操拳高海寧喪食火鍋打鑊甘消脂

GIRLAV · 發表於 2022-5-20 15:26:59

身處內地已一段時間的高海寧，經常相約好友又飲又食，雖然一連多晚狂食麻辣火鍋，但她笑言愈食愈弗，原來她跟教練學拳，被網民大讚有姿勢有實際！

高海寧（高Ling）現於內地，經過一輪搏殺後，正處於放假心情，盡情吃喝玩樂，享受人生。前日她於社交平台上載短片，見她穿上貼身運動背心，大晒黃蜂腰及蜜桃臀。戴上拳套的她跟教練做練習，打到「嘭嘭」聲，勁度十足，教練不停說「很好」、「對呀」。不少網民激讚高Ling身材弗爆外，又讚她出拳力度十足：「其實算打得好好」、「使唔使咁型呀」、「條腰要扭多啲！」

食辣排毒

其實高Ling於前年播出的無綫劇集《C9特工》中，飾演身手敏捷的特工，親身上陣拍攝槍戰、爆破等動作戲。之後她拍《殺手》及《反黑路人甲》都有露兩手，一嘗打拳滋味。

昨日她受訪時表示：「拍《C9特工》嗰陣打得好犀利，打拳消耗好大，係好好嘅減壓同消脂運動！」問她是否吃得太多美食，要加強運動保持美好身段？她表示：「係㗎！我一連食咗幾餐麻辣火鍋呀！（你皮膚同身材都Keep得好好喎！）係呀，我發覺愈食辣愈弗，可能排毒。」