阿布否認「追數」 美財團收購好事近

joemalee

車路士班主阿布拉莫域受到英國政府制裁後，賣盤一事已經拖咗近2個月仍未有定案，近日有傳阿布拉莫域喺交出中作出「刁難」，包括要買家償還15億鎊嘅私人貸款。不過阿布拉莫域周四(5日)發出聲明，話傳聞係虛假消息，據報美國富商Todd Boehly嘅收購已進入最後階段，預計好快成事。

阿布拉莫域入主車路士19年來，先後向球會以私人借貸方式「注資」15億鎊，早前宣布賣盤嗰陣，亦表明會將呢筆巨額借貸刪除，直到近日傳出阿布「反口」向買家追數，車路士即發出聲明澄清：「首先，阿布拉莫域希望將賣盤收益捐畀慈善機構嘅用意並冇改變，而且並冇參與賣盤過程；第2，阿布拉莫域並冇要求買家償還貸款，呢個消息同阿布拉莫域臨時提高賣價嘅報道都係失實。」

據英國《Football London》報道，美國富商Todd Boehly嘅財團已被選為「最合適買家」，交易程序亦去到最後階段，預計可以喺5月31日嘅限期前正式宣布易手。  

LasCases

唔知攪唔攪得掂。

Winston91

回復 joemalee ##1 的帖子

又係美國球會老板，Big六當中曼聯、利記和兵工廠都係美國老板。