唉...大好前途咁就冇咗切爾達前鋒強姦罪成判監4年

joemalee · 發表於 2022-5-6 10:44:30

西甲球壇爆出性醜聞，效力切爾達嘅西班牙前鋒辛迪文拿，被控喺2017年強姦一名女子，周三(4日)被法院裁定罪名成立，判監4年。辛迪文拿已經作出上訴，而切爾達就宣布喺上訴期間暫時將呢位射手由大軍中除名。

案發時間係2017年，當時辛迪文拿仲係效力華倫西亞，佢被控喺一架露營車入面將一名女子強姦，當時車內仲有另一位喺低組別踢波嘅球員高達，雖然佢冇作出性侵，但就對辛迪文拿行為視若無睹。法院判決辛迪文拿性侵罪成判監4年，而高達嘅同謀罪名就唔成立。

辛迪文拿律師已就判決提出上訴，切爾達隨即發聲明，表示會對辛迪文拿作出紀律調查，並會喺結果出現前將佢暫時「停職」，剔出球隊大軍名單。26歲嘅辛迪文拿係切爾達主力，今季33場聯賽攻入7球，係隊中次席射手。