皇馬邊緣人艾斯高或加盟貝迪斯

joemalee

皇家馬德里西班牙中場艾斯高，近年喺「銀河艦隊」上陣機會唔多，已逐漸成為球隊邊緣人。為咗爭取上陣機會，據報艾斯高已經同貝迪斯達成協議，將會喺今夏以自由身加盟，同智利教頭比歷堅尼再次合作。

據西班牙《阿斯報》爆料，艾斯高同貝迪斯將會簽約2年，其後可選擇再續約1年，合約年薪將高達1000萬歐元，意味艾斯高屆時將成為貝迪斯陣中年薪最高嘅球員。現年30歲的艾斯高，近年喺皇馬出場機會偏少，今季聯賽只上陣12次，令其萌生去意。

艾斯高同現時貝迪斯主帥比歷堅尼，過往曾喺馬拉加一齊共事，今次轉會如果事成，兩人有望再續前緣。啱啱捧起西班牙盃嘅貝迪斯，聯賽高踞前列，好大機會鎖定來季歐戰資格，除咗艾斯高之外，球隊已經傾掂拉素守將雷斯菲臘比同富明尼斯攻擊手雷斯軒歷基，足見貝迪斯爭取佳績嘅野心。

BB29

爭取上陣機會

LasCases

比較容易傷。