星散序幕？杜曹證實魯迪格離隊

joemalee

[size=4車路士賣盤遲遲未有結果，球會前途未明嘅情況下，車仔星散機會愈來愈大，近日車仔領隊杜曹，就證實陣中主力守將魯迪格，將於季尾以自由身離隊嘅消息，並透露車仔已盡最大努力挽留呢位德國中堅。

現年29歲嘅魯迪格，雖然現時正受傷患困擾，但今季依然神勇，喺車仔占據主力位置，杜曹承認魯迪格喺車仔嘅作用十分關鍵，仲表示自己同球會已經盡晒氹佢留隊，可惜最終都唔成功：「魯迪格係好有個性同領導能力嘅球員，佢畀到好球隊大信心，佢嘅離隊對車路士嚟講係好挑戰，但我哋會揾到辦法解決。」

據報車路士願意為魯迪格提供20萬英鎊周薪新約，但依然遭到拒絕，意味呢位德國中堅將會喺季尾他投，但佢下一站會去邊，就依然未公布。車路士現時仍受英國政府制裁困擾，杜曹就話唔希望球會賣盤情況繼續拖落去，如果唔係，來季組軍情況必定會受到影響。]

BB29

組軍受到影響

LasCases

無大水喉仲唔走。