巴塞會長親證：羅拔仔加盟機會大！

joemalee · 發表於 2022-4-24 10:41:31

巴塞隆拿今夏收購羅拔利雲度夫斯基嘅消息愈傳愈烈，雖然拜仁慕尼黑已經表明唔會放人，不過巴塞隆拿會長拉波塔日前喺一個球迷活動入面，親口表示：「羅拔仔加盟機會大！」

網上近日流出一段球迷拍攝嘅影片，見到拉波塔出席球迷活動期間，被要求合照嘅球迷詢問轉會計劃，期間有球迷問到收購艾寧夏蘭特同羅拔利雲度夫斯基嘅機會，拉波塔就大方回應：「羅拔利雲度夫斯基？呢個加盟機會大啲。」

西班牙《世界體育報》報道，巴塞獲Spotify巨額贊助費後，夏天轉會操作嘅空間大大增加，消息指羅拔利雲度夫斯基亦決心轉會，佢同拜仁嘅合約到2023年夏天空結，巴塞有望乘機壓價搶人。