陳瀅等到頸都長蔣家旻角色有突破

GIRLAV · 發表於 2022-4-22 10:22:50

由葉念琛監製的新劇《我的燦爛》，無綫小花陳瀅、陳曉華、蔣家旻等都有份參演。與山聰有大量對手戲的陳瀅，昨日受訪時直言等開拍等到頸都長：「由1月等到依家，期間因為疫情關係不斷延後，我係非常期待開工，喺演員名單除咗劉佩玥之外，其他演員都未合作過，希望帶到新鮮感畀觀眾啦！」

蔣家旻表示仍未收齊劇本：「故事內容未透露得住，我好期待同葉念琛合作，計一計大家就嚟10年冇合作，知佢有睇我演出嘅劇集，一直對我有信心，所以今次畀我嘅角色係非常大嘅突破同挑戰，相信觀眾應該有新鮮感。」至於陳曉華亦保持神秘，不肯透露角色及劇情：「我唔係太清楚，都係等公司正式公布先講啦！」