英格蘭人滿之患 阿仙奴射手或轉投加納

joemalee

英格蘭球壇近年人才輩出，唔少潛力新星未能擠身大國腳，加上世界盃決賽周臨近，部份英格蘭球員考慮代表其他國家隊出賽，阿仙奴前鋒尼基迪亞有意轉投加納國家隊懷抱。
22歲嘅尼基迪亞喺英國出世，曾經為英格蘭U18至21比賽，但始終未能晉身大國腳，由於佢父母來自非洲國家加納，佢有資格選擇代表加納國家隊。

尼基迪亞並非阿仙奴正選，多數只能踢盃賽，估計佢入選英格蘭踢世界盃嘅機會非常低，英國傳媒指佢唔排除會揀為加納出戰今屆世界盃。

車路士翼鋒赫臣奧杜爾同樣被英格蘭主帥修夫基忽視，早前傳出佢將會申請入籍加納，呢2位效力倫敦雙雄嘅進攻球員，或者有機會一齊合作為加納出戰今屆世界盃。
加納被抽入今屆世界盃H組，同組對手有葡萄牙、烏拉圭、南韓。  

BB29

轉投加納國家隊

LasCases

佢一般貨色。