沙拿成紅軍第2「創造王」　第1位係神級

joemalee · 發表於 2022-4-13 11:08:53

利物浦上場英超榜首大戰，靠沙迪奧文尼入波，逼和曼城2比2，傳出靚波嘅穆罕默德沙拿亦功不可沒，呢位埃及國腳效力紅軍以來，喺英超已經直接創造159個入球(入波及助攻)，超越科拿，成為利物浦史上喺英超創造第2多入波嘅球員，僅次於謝拉特。

穆罕默德沙拿今季英超入波及助攻都達到雙位數，分別入20球及11次助攻，換言之合共創造31球，比第2位孫興民多8球，依家仲超越科拿，成為紅軍英超史上第2「創造王」，的確犀利。
不過，沙拿同謝拉特嘅紀錄仲有一大段距離，「謝老四」為利物浦創造212球，如果沙拿要超越謝拉特，起碼要留隊踢多2季先至得。