金宵大廈2︳演毀容女渺渺彈起蘇皓兒14歲入行曾戀年長16歲王宗堯

GIRLAV · 發表於 2022-4-7 13:02:06

Chloe 14歲就參加校花校草選舉入行，起初係做兼職model，2015年參加商台節目選秀環節成為女團As One新成員，並且獲派到韓國受訓。參加《全民造星3》得到亞軍嘅陳葦璇就係其中一位隊友（當年用原名陳嘉茵）。

但係蘇皓兒加入As One 2年幾之後，團體就因為公司閂水喉而解散，Chloe 轉型做演員，拍過ViuTV劇《瑪嘉烈與大衛系列前度》，但最多人記得應該係TVB嘅《那些我愛過的人》，Chloe扮學生妹演林文龍個女，同顧定軒有感情線。而未出街嘅大台劇亦會有Chloe嘅演出。

後生又眼大大嘅蘇皓兒入行後都有唔少緋聞，同一班圈中男波友打籃球合照，就被傳羅天宇對佢有意；仲有當時同公司嘅方力申，搵咗Chloe拍MV仲要有激咀鏡頭，有傳小方對佢格外照顧。不過真係一齊嘅就有年長16歲嘅王宗堯，2018年被揭二人拍拖兼同居，Chloe仲因此被雪藏，到前年1月Chloe出post宣布分手。