英超3月最佳將帥　倫敦雙雄玩晒

joemalee · 發表於 2022-4-3 11:56:40

英超賽會公布3月最佳球員及領隊獎項，倫敦雙雄玩晒，熱刺射手哈利卡尼獲得最佳球員，阿仙奴主帥阿迪達當選最佳領隊。

哈利卡尼上月踢4場英超，射入4球及2次助攻，協助球隊取得3勝1負，當選3月最佳球員絕對實至名歸。

值得一提，今次係哈利卡尼第7次獲得英超月份最佳球員，追平阿古路嘅紀錄，並列獲此殊榮最多次嘅球員之一。

至於阿迪達繼上年9月之後，今季第2次獲得英超月份最佳領隊，佢上月帶領阿仙奴踢4場英超，取得3勝1負，打入前4位，兵工廠有望下季重返歐聯賽場。
另外，曼聯球星C朗上月對熱刺，遠射入網，獲選為3月英超最佳入球。