陳嘉倩簡淑兒去過鍾家：工作需要

GIRLAV · 發表於 2022-4-2 13:41:13

鍾培生言行一向出位，早年他曾與前僱員兼世界電競冠軍選手Toyz爆網上罵戰，亦有鋪派錢派禮物癮，試過通街派逾10萬元利是，又向粉絲團送出90萬電子產品和50萬魚子醬，有人便曾收到一手推車的花生油。

至於追女仔方面，其自家頻道的《Date with 鍾培生》系列影片就打正旗號追女仔，亮相其節目的藝人陳嘉倩、簡淑兒和陳婉衡等均被視為「生女郎」，其中鍾培生最冧陳嘉倩，曾豪言要包下紅館讓她報天氣。陳嘉倩昨日回覆：「只有一次同佢、大J（網紅周世鏗）拍聖誕節目上過去佢屋企。（有冇見過鍾父？覺得佢哋父子係咪好人？）唔清楚，上次係工作拍攝。（鍾培生對你有好感，列入『生女郎』？）絕對唔係！佢節目效果講笑啫！」簡淑兒亦稱與他只是工作認識：「同佢做過兩次嘢，一次做慈善，第二次同佢拍大澳介紹片，好耐之前同幾個朋友去過佢屋企食過一次飯。」而陳婉衡曾與鍾培生因做節目而傳緋聞，更有傳因此成為她與男友分手的導火線，不過陳婉衡表示節目後已跟對方沒有聯絡：「本身同佢唔熟，之後喺其他活動見過，冇去過佢屋企。（覺得佢為人點？）正常，冇特別。」