艾斯巴斯老而彌堅 未放棄世盃夢

joemalee

西班牙國家隊人才鼎盛，不過鋒線仍未有一個「穩膽」巨星孭飛，今季喺切爾達表現突出嘅34歲老將伊亞高艾斯巴斯，日前受訪表示仍未放棄代表西班牙國家隊出賽，會繼續爭取出戰年底卡塔爾世盃嘅夢想。

伊亞高艾斯巴斯自2019年6月後就未入過西班牙國家隊，不過佢今季西甲已有13個入波排射手榜前列，呢位老將表示：「我會盡最大努力，希望有個非常美好球季，換取再入選西班牙嘅機會，同埋大家一齊出戰世界盃決賽周。」

切爾達依家排西甲11位，周日(3日)凌晨會主場迎戰榜首皇家馬德里，伊亞高艾斯巴斯就話：「皇馬唔需要控制戰局，但佢只要搵到缺口，就會短時間內將你置之死地！泰拔高圖爾斯係世界最佳門將，要攻破佢嘅大門唔係一件易事。」

Winston91

回復 joemalee ##1 的帖子

艾斯巴斯當年踢過利物浦，不過冇咩機會出場，可能唔啱英超節奏，表現平平。估唔到在自己家鄉越老越妖。

LasCases

都仲打得吓