走出雪櫃零舍風騷馮盈盈自認有能力宋宛穎難取代

GIRLAV · 發表於 2022-3-30 15:50:57

「話題女王」馮盈盈早前犯下3宗「死罪」，被無綫掟入雪櫃，至近日終於「解凍」。昨日她首度亮相公開場合，提到有傳無綫力捧宋宛穎取代她，盈盈認為有能者居之，似乎對自己地位信心十足！

馮盈盈、錢嘉樂、黃婧靈（波波）、黃美棋與鄭衍峰等，昨日出席無綫綜藝節目《The Show Must Go On》拜神，今次是盈盈被指雪藏及染疫後首度現身，紮孖辮、化身Pink Lady的她全程紮紮跳，自誇打扮有減齡作用，明顯因「解凍」而心情大靚。

問到是否因被雪藏而「凍齡」？她說：「我冇聽過，都唔知傳聞喺邊度嚟。（傳你《逆天奇案2》被飛？）拍劇係公司安排，通常唔會咁快落實，係半年後嘅事。（公司有冇通知你？）通常唔會咁早出通告，其實公司一直安排唔同嘅工作畀我，只係我之前病咗，但依家康復晒。之前都有拍外景節目，只係節目未出街。」對於被力數「3宗罪」，其中一項是其助手經常集郵兼小動作多多，被公司要求辭退對方，盈盈表示：「因為同助手合作關係涉及私隱，佢對於成為新聞焦點都好意外，為保護佢就唔講太多。（係咪呢排要『守行為』講嘢好小心？）我今日係主持，大家都叫我好好表現，所以有啲緊張。（表現好先有工作？）要問番公司。」

波波講「性經」唔收斂

對於再被安排與舊愛鄭衍峰同場，盈盈指一切聽從公司安排。有指當年她想公開戀情，但不獲批准，她說：「咁要問番傳出嚟嗰個人。（話無綫改捧宋宛穎！）佢係可造之材，我哋喺台慶合作過，亦上過佢節目做嘉賓，幾欣賞佢，如果可以再合作會開心。（擔心被取代？）工作都係有能者居之。」

近期經常參與綜藝節目的波波，提到她曾於節目大講「性經」，她坦言是性教育節目，故每集收到主題內容後便自由發揮，問到可感尷尬？她說：「大家都要知清楚，否則一個意外就唔好。（之後喺節目會收斂啲？）冇，綜藝節目都係做番自己。」