淪為曼聯棄將　「福仔」去杜拜搵拳王

joemalee · 發表於 2022-3-21 12:15:47

已經淪為曼聯棄將嘅拉舒福特，最近逃離曼徹斯特飛去杜拜渡假，並去咗睇場拳賽放鬆一下，仲遇上美國前次中量級拳王閒談幾句，一於拋開足球事，乜都唔諗。

拉舒福特最近麻煩事多多，被指歐聯出局後離開球場時挑釁球迷，失去唔少支持者，加上英格蘭國家隊公布大軍名單又落選，處於低迷狀態，因此揀左去杜拜渡假，期中更遇上了啱啱打贏比賽嘅美國拳手保格拉斯，彼此更閒談了幾句，仲叫對方跟隨佢嘅社交平台。

呢位慈善球星去年獲英國政府頒授MBE，以表掦佢為國內有需要嘅兒童得到溫飽，但最近佢喺球場對球迷舉中指，形象減分，即使其後自己發文解釋，但已難以重拾民心。
家陣「福仔」已經喺曼聯出售名單嘅大熱，睇嚟佢要為自己就快「脫魔」準備一下。