壞謝拉特好事？阿迪達打算搶簽古天奴

joemalee · 發表於 2022-3-21 12:13:32

據英國傳媒報道，阿仙奴正計劃從巴塞隆拿搶簽菲臘比古天奴，現時呢位29歲巴西球員正外借至阿士東維拉，並交出上佳表現。

阿仙奴領隊阿迪達喺周六（19日）對阿士東維拉嘅記者會上，被問到對對手陣中球員古天奴嘅睇法時，毫不掩飾自己對古天奴有興趣：「佢喺利物浦嗰時已展示佢嘅創造力同傳球視野，我哋觀察過好多唔同球員，只係當初揀咗另外一位。」事實上，上年夏天「兵工廠」就一直盛傳打算從巴塞簽佢，但最終球隊選擇咗馬田奧迪加特，但咁唔代表佢哋對古天奴嘅追求終結。

「球隊同時會收購好多球員，如果古天奴被掛牌出售，佢當然係阿仙奴密切關注嘅目標。」阿迪達謂。呢位29歲巴西國腳由巴塞借到維拉後表現重新，10場賽事入面交出4入球、3助攻，令維拉領隊謝拉特極之希望將佢正式收歸旗下，不過巴塞索價嘅3,350萬鎊，同埋古天奴嘅48萬鎊周鎊，將來係維拉簽佢嘅一大阻礙，而呢筆價錢對阿仙奴嚟講，睇嚟唔係咩大問題。