［聊天/帖圖］如果開關, 各位可以外遊, 最想去邊度玩呀？

HKtraveler · 發表於 2022-3-20 14:43:14

疫情唔經唔覺攪咗兩年幾, 呢段時間除咗一啲有必要, 或者工作上有需要人仕, 大部份人都冇外遊, 近來好多國家開始放寬入境要求, 有國家連針卡都唔需要睇, 香港雖然疫情仲好嚴峻, 但封咗咁耐遲早都要開關, 唔係各行各業真係頂唔落去, 如果開關, 各位最想去邊度玩呀？

回應城市名, 國家名或地區就有機會得獎, 每人可中10次、中獎率50%

如加上照片同簡介, 另外再跟精彩程度加分

可能你有好多地方想去, 但每人正身同分身每頁最多回帖五次好喇（當區管理員除外）, 如果九唔搭八話想去基輔, 伊斯蘭國, 火星或月球等等, 你最需要去嘅地方其實係青山, 咁就冇分加喇！多謝合作！