里爾雙星獲阿仙奴垂青 學定慶祝方式？

joemalee

里爾上季勇奪法甲冠軍，今屆歐聯又殺入16強，陣中一眾球員自然成為搶手貨，據報阿仙奴對里爾雙星約拿芬大衛同連拿度辛捷士好有興趣，計劃喺夏天提出收購。有趣嘅係，兩人早前喺聯賽慶祝入波嗰陣，竟然模仿拿卡錫迪同奧巴美揚嘅「鞠躬+握手」慶祝，唔通為轉會做準備？

拿卡錫迪同已經離開阿仙奴嘅奧巴美揚，入波後嘅「鞠躬+握手」慶祝已成招牌，自稱視亨利為偶像嘅約拿芬大衛，早前接應連拿度辛捷士助攻射入後，兩人就重演呢個「阿仙奴Style」慶祝，似乎係有所暗示。

事實上，如果約拿芬大衛加盟阿仙奴，好大機會係取代即將約滿嘅拿卡錫迪位置，不過消息指利物浦同樣有意收購呢位加拿大前鋒；至於葡萄牙中場連拿度辛捷士，據聞亦獲AC米蘭同祖雲達斯垂青，「兵工廠」要搶贏難度唔細。

BB29

自然成為搶手貨

LasCases

招牌慶祝