車仔小將作反　叫杜曹唔好嘈！

joemalee · 發表於 2022-3-2 21:40:37

車路士21歲小將赫臣奧杜爾向傳媒表示，希望主帥杜曹喺場邊指揮期間冷靜啲，唔好成日大喊大叫，暗示杜曹不斷大叫唔係好事，幫唔到球隊。

赫臣奧杜爾接受英國《每日郵報》訪問時表示：「杜曹為人非常好，佢嘅戰術亦冇得頂，佢知道點樣發揮球員最大潛能，不過有時用咗你唔想聽到嘅方式，就係佢隨時會對你大喊大叫。」

佢繼續話：「有時你會想，點解要大叫呢？我知道佢都係為球隊好，但有陣時真係難以理解，點解佢唔可以冷靜少少，唔好再大吼大叫呢？」
赫臣奧杜爾指出，杜曹同佢之前遇過嘅教練完全唔同類型，佢總係好緊張，隨時準備發號施令，但有時希望佢都要冷靜一下。