紅魔名宿突破盲點：曼聯需要有人咁跑

joemalee · 發表於 2022-2-25 11:34:25

曼聯喺歐聯16強首回合劣勢之下，作客逼和馬體會1比1，紅魔鬼名宿夏格維斯認為入波功臣艾蘭加不惜氣力奔跑係關鍵，曼聯現時最需要有呢種願意付出120%努力嘅球員，先至可以創造到入波機會。

夏格維斯話：「曼聯今場唯一令我有印象係艾蘭加不斷向前衝所造成嘅壓迫感，呢個入球係佢自己創造，因為佢不斷走位，令到般奴費南迪斯傳波畀佢，每支球隊都需要有人前向衝。」

艾蘭加繼上場英超入波後，今場歐聯又建功，以19歲零302日成為歐聯史上最年輕入波嘅瑞典球員，賽後佢話：「我一直夢想有呢種時刻出現，就係喺歐聯對馬體會等頂級球隊，取得入球，每當我獲得機會，都會多謝領隊信任。」

曼聯看守主帥蘭歷克表示，球隊上半場表現令人失望，但下半場有改善，如果比賽有多10分鐘，曼聯可以反勝。