|
|
雲迪碧克喺冬季轉會市場，由曼聯外借去愛華頓之後表現出色，事業獲得重生，近2場英超都踢足全場，英國《鏡報》指呢位24歲荷蘭國腳希望今夏永久轉會，因為擔心重返曼聯，會步連格後塵，再次被打入冷宮。
雲迪碧克表示自從轉會之後，感到重新充滿力量：「作為1位球員，我想再次展示自己可以做嘅事情，我覺得同愛華頓非常夾，球隊表現正在改善。」據悉雲迪碧克已經向通知曼聯會方，如果自己繼續有好表現，而愛華頓又想買斷佢，紅魔鬼就要放人。
雲迪碧克之所以下定決心「脫魔」，全因為見到連格上季被外借去韋斯咸，有出色表現，但今季返回曼聯，卻被投閒置散，令事業再次陷入低谷，唔想重蹈連格覆轍。
曼聯2020年夏天用3,500萬鎊向阿積士收購雲迪碧克，預料會方唔會蝕賣，但愛華頓願唔願意出呢個價錢買斷雲迪碧克，成為疑問。
|
|
在線雷達
發表於 2022-2-22 12:43:47
廣播
置頂
超級提昇
強效提昇
推舊帖
收嗲鳥
油顏色
