谷愛凌代言勁賺兩億唔止內地網民連美國前駐聯合國大使都叫佢選定國籍

GIRLAV · 發表於 2022-2-21 18:17:12

2022北京冬奧會於噚日（20日）正式閉幕，現年18歲嘅中美混血滑雪女將谷愛凌（Eileen Gu），除咗擁有出眾外貌及係一名高材生之外，更為中國隊喺今屆冬奧奪得兩金一銀，成為焦點人物之一。爆紅嘅谷愛凌曾經喺賽後接受訪問時表示：「當我在中國時，我認為自己是中國人；當我在美國時，我認為自己是美國人」，結果被網民取笑佢係「動態國籍」，近日有指佢將返美就讀史丹福大學。

早前有內地傳媒統計，谷愛凌過去兩年已賺得近兩億七百萬港元嘅代言費，目前代言嘅品牌至少23個，當中包括多個國際知名時裝、首飾品牌及多間內地企業。谷愛凌喺內地瞬間爆紅，內地網民開始對佢嘅國籍有所質疑，認為佢要盡快選定國籍。除咗內地網民之外，連美國前駐聯合國大使Nikki Haley早前接受美國傳媒報時，佢亦針對谷愛凌話「就國籍而言，中國或美國？你必須選邊。」，並話唔可以係美國人又係中國人，美國同中國嘅制度好唔同，每位運動員都要知道，當佢哋披上國旗嘅時候，就開代表住嗰個國家出戰。