熱刺今夏訪韓踢表演賽 孫興民勁興奮

joemalee

英超球隊熱刺宣布今夏將赴南韓舉行表演賽，亦都係呢支球隊自2019年後再次到訪亞洲。而陣中巨星孫興民，當然對能夠返番自己家鄉踢比賽感到相當興奮啦！

熱刺上一次亞洲之旅已經係2019年，但當時只係去咗新加坡同上海，數到再上一次到訪孫興民祖國，已經係2017年嘅事。對於能夠返回自己嘅國家，喺國民面前一展身手，孫興民當然好開心啦：「我對於今個夏天可以重返我嘅家鄉南韓感到非常興奮，對於隊中大部人嚟講係佢哋嘅第一次，我好期待可以見到韓國球迷嘅熱情，佢哋非同凡響嘅氣氛一定會充斥每一場比賽！」

雖然舉行日期同地點未定，但消息已經令人相當期待，熱刺主席利維就話：「經歷過咁多困難後，我哋對可以重啟亞洲之旅感到開心，巡迴賽永遠都係季前操練其中一項重要元素，我代表全隊上下表示，我哋已經等咗呢個機會好耐！」

BB29

返番自己家鄉

LasCases

唔使服兵役咪番。