蘭歷克想C朗做紅魔隊長　馬古尼堅決反對

joemalee · 發表於 2022-2-19 13:09:15

C朗拿度喺曼聯已經愈嚟愈有影響力，英媒最近爆料話曼聯領隊蘭歷克有意換隊長，想將呢個重任交畀C朗，但馬古尼就唔肯交出隊長臂章，好快已經拒絕。

據《鏡報》報道指，蘭歷克最近搵咗Ｃ朗同馬古尼傾計，佢覺得C朗喺場上做領袖嘅作用比起馬古尼更出色，而且又係年青人嘅榜樣，加上馬古尼最近狀態麻麻，又成日犯上低級錯誤，喺隊內難以服眾，所以想換隊長整頓一下。

不過，馬古尼就拒絕呢個建議，坦白講佢交出臂章的話應該永遠都做唔番隊長，家陣領隊咁樣提出已經好畀面，然而雖然佢呢一刻攬住隊長臂章，但曼聯更衣室裡面好多人都睇得出只係時間問題，加上家陣C朗喺更衣室裡面嘅影響力愈嚟愈大，又有蘭歷克力撐，做紅魔新領裡指日可待。