勞基梳爾豪言　曼聯今季至少可奪一冠

joemalee · 發表於 2022-2-13 10:15:54

曼聯季中改由蘭歷克執教之後，表現仍然冇明顯改善，但左後衞勞基梳爾卻信心十足，豪言紅魔鬼今季至少可以奪得一個冠軍，就係歐聯錦標。

曼聯喺英超已經落後榜首曼城21分，勞基梳爾承認好難追，但爭奪歐聯冠軍仍然有機會：「球隊現時喺英超嘅位置，的確同季初想法有差距，成績本來應該可以更加好，英足盃出局亦令我哋好難受，但我仍然相信今季可以捧盃，好多人質疑曼聯嘅奪冠能力，但我哋必須有奪取歐聯冠軍嘅信心。」曼聯將於歐聯16強對馬德里體育會，要過關並唔容易。