鐵拳英雄｜唐詩詠首演打女被狠批似跳舞多過打功夫網民：還我刁蘭胡定欣

GIRLAV · 發表於 2022-2-11 14:16:09

由TVB劇集《城寨英雄》班底製作嘅《鐵拳英雄》正熱播，劇集以曼谷唐人街為背景並以武打戲為主，唐詩詠喺劇中飾演八卦掌高手錢芊芊，以往做開斯文角色嘅佢為首拍打戲，已經喺開拍前上堂學功夫以努力應付角色，不過觀眾似乎唔係好滿意佢表現，仲拎佢同《城寨英雄》胡定欣比較。

唐詩詠喺劇中飾演武功高強嘅老千，網民大讚佢表情豐富，搞笑位做得自然，成功將老千貪錢又狡猾性格演繹出嚟；不過，網民就狠批唐詩詠嘅打戲表現，覺得佢打得極慢又姐手姐腳唔自然，對比同樣無舞蹈底子嘅姚子羚，唐詩詠似跳舞仲多過打功夫，紛紛留言：「話係跳舞都有啲求其」、「唔講我以為做緊早操」、「我諗播快1倍會好少少」、「打得好硬又無力」等等。

又有網民將唐詩詠同《城寨英雄》胡定欣作比較，表示胡定欣無論打戲定感情戲都比唐詩詠演得自然：「還我刁蘭胡定欣」、「還是覺得胡定欣比較適合演武打，眼神夠殺」、「胡定欣好好多。戲又做得幾自然但個個詩就反而相差好多。」等等。不過都有網民認為唔應該比較，仲話應該畀多啲鼓勵說話，認為演員們花咗好多心機拍攝，要短時間內學識功夫並唔容易。

op1b · 發表於 2022-2-11 17:00:14

預咗再被拉黑都要講, 頂多係唔再可以係依個版留言, 但係不吐不快, 討厭copy & paste 回帖造假

個人唔信依類題材係可以引起香港人共嗚, 同收睇依個劇集啦. 將資源分散去買view數, 請寫手, 就如同打飛機一味自high.

不如搞清楚定位先, 再主力發展好過啦....

補充內容 (2022-2-11 17:04):
曼谷唐人街武打 ? 目標觀眾係泰國人, 定係國內人先 ? 假以想食國內條水, 就要去到內地劇水準啦唔該