|
|
意大利國家隊主帥文仙尼公布最新一期35人大軍名單，最引人注見係巴洛迪利相隔3年之後首次入選，難怪被視為意大利爭取打入世界盃決賽周嘅救星。
巴洛迪利今季加盟土耳其球隊代米爾之後，獲得重生，上陣18場射入7球及2次助攻，令一直棄用佢嘅文仙尼都被打動，決定重召呢位昔日「契仔」。
巴洛迪利對上1次入選意軍已經係2018年9月，佢對於獲得重召處之泰然：「我心情幾好，31歲為國家隊效力係好正常嘅事，唔入選先至唔正常，我唔知道點解球隊要踢附加賽，但有時會發生呢種情況。」
巴洛迪利為意大利上陣36次入14球，最威水係2012年歐國盃射入3球，協助球隊打入決賽，可惜不敵西班牙。
意大利將於3月尾世界盃外圍賽附加賽對北馬其頓，如果贏波晉級，就會同葡萄牙對土耳其嘅勝方交鋒，爭奪1個決賽周席位。巴洛迪利今次只係入選集訓名單，能否出戰附加賽，仍然係未知之數。
|
|
在線雷達
發表於 2022-1-26 08:48:57
廣播
置頂
超級提昇
強效提昇
推舊帖
收嗲鳥
油顏色
發表於 2022-1-26 10:04:22
