網民投選「COLLAR素顏評分」負評王竟然係佢？

GIRLAV · 發表於 2022-1-22 11:20:27

ViuTV女團COLLAR上周三（12日）正式出道，成員包括Marf（邱彥筒）、Gao（沈貞巧）、Day（許軼）、Ivy So（蘇雅琳）、So Ching（蘇芷晴）、李芯駖、WINKA（陳泳伽）及Candy（王家晴），人氣極高，風頭一時無兩。MIRROR熱潮成婚姻破裂苦主嘅「前夫們」更即時喺Facebook開設「前夫反擊戰」群組，吸引唔少戰友加入。近日更加有網民上載成員們嘅素顏照，並投選「COLLAR素顏評分」，結果引起瘋狂討論，結果真係估佢唔到呀！

喺8位成員中，負評票數最多嘅竟然係冠軍兼「人氣王」Marf，之後就係亞軍嘅Gao及芯駖Sumling，而獲得最多正評嘅就係Day，之後就到Candy及Winka。不過就有網民對賽果唔多滿意，仲留言話佢哋個個都青春美麗，而Marf只得19歲，點會係負評王，例如「其實Gao 化唔化妝都差不多，唔理解咁多負評」、「下，全部啲樣唔覺有需要負評咁差喎~已經靚過好多15,16～個投票比咩人投票先？如果係個垃圾毒毒論壇出既圖唔可以作準喎」、「其實都幾靚呀」、「其實差唔多！個個都青春美麗，不要為彈而彈，可能好多星夢打手！」、「咩 Gao 好差咩，點解咁多負評，Marf 個樣化妝前後都差不多咋嘛又做咩咁多負評。」及「我地個阿day化唔化妝都咁可愛」等等。

下面就有COLLAR成員素顏照，唔知大家又覺得邊位成員素顏最靚呢？