獲C朗指點 拉舒福特每日苦練12小時

joemalee

曼聯前鋒拉舒福特近期狀態低迷，英國傳媒指呢位24歲前鋒向隊友C朗請教提升狀態嘅方法，對方建議佢加操，據悉福仔最近每日都操練12小時，希望盡快重拾勇態。

拉舒福特已經連續11場比賽冇波入，英國《每日電訊報》指呢位英格蘭國腳並冇氣餒，而且積極同C朗交流意見，包括問呢位葡萄牙巨星點樣增強肌肉力量，點樣改善體型等。

拉舒福特獲得C朗指點之後，近期每日進行3次訓練，合共長達12小時。拉舒福特將於季尾同曼聯傾續約，為咗可以要求更高人工，必須喺今季餘下時間交出表現，難怪搏晒老命加操。

BB29

近期狀態低迷

LasCases

咁多年無乜進步。

Winston91

回復 joemalee ##1 的帖子

首先隊內要團結，跟C朗學嘢是好事。第二改善體能和體型肯定對狀態有幫助，第三要同教練好好溝通，福仔宜家係前線嘅定位，如果要求佢多拉邊，有助攻都唔錯了，最後入唔入到波有時都要講運，繼續加油。