巴塞中堅公開糧單　證明自己真係減薪

joemalee · 發表於 2022-1-10 08:38:57

所謂有圖有真相，巴塞中堅碧基為表明自己真係減咗人工，日前喺社交網上載糧單，顯示自己半年人工只有230萬歐元，以反擊有傳媒造謠話佢假減薪，仍收取2800萬歐元頂級人工嘅傳聞。

碧基今次咁做，係因為西班牙傳媒一直唔相信巴塞一眾主力減薪，矛頭指向碧基、布斯基斯同佐迪艾巴幾人，一位記者更在電視上聲稱收到內幕人士報料，指出碧基仍然收取2800萬歐元高薪。

為此，碧基都費事澄清，直接喺社交網上載糧單回應，糧單上顯示金額為230萬歐元，係巴塞半季人工，全年人工就係460萬歐元，同爆料者所講嘅2800萬歐元相差一大截。碧基仲留言話：「呢度係我12月30日嘅半季糧單，喺電視上指控嘅人，應該尊重吓自己。」