|
|
阿根廷前鋒阿古路早前因心臟問題黯然退役，依家過緊退休生活，英國傳媒報道，曼城向佢招攬，加入成為曼城大使行列。
阿古路過去半年認真坎坷，佢轉投巴塞一心諗住同好兄弟美斯並肩作戰，點知呢頭加盟，嗰頭美斯就離隊去咗巴黎聖日耳門，咁都未算，佢季前集訓又受傷，等到康復上陣，又因心口痛驗出心律不正，最終黯然宣布掛靴，而佢依家只係33歲。
據報阿古路依家喺烏拉圭度假，但一世人流流長，總要搵啲世藝，呢個時候曼城向佢伸出橄欖枝，邀請佢返曼城出任球會大使。
曼城一向有聘任傳奇球員出任大使嘅傳統，之前有森馬比、胡禮菲臘斯同米卡李察士，如果由阿古路呢位球會史上最佳射手做大使，咁就最好。
此外，曼城亦已承諾為阿古路鑄造銅像，之前會方已經竪立咗高柏尼同大衞施華兩尊銅像，再加埋阿古路嘅話，曼城千禧年首個輝煌年代嘅代表人物亦都齊晒腳。
|
|
在線雷達
發表於 2022-1-8 08:39:23
廣播
置頂
超級提昇
強效提昇
推舊帖
收嗲鳥
油顏色
發表於 2022-1-8 11:10:04