愛上我的衰神丨區明妙被虐殺死不瞑目眼神令人心寒網民：睇到個心離一離

GIRLAV · 發表於 2022-1-7 11:14:38

只有10集嘅奇幻愛情劇《愛上我的衰神》踏入結局周，劇中幾位「衰神」知道自己嘅死因，並發現「衰神」和「受害人」之間嘅關係。劇集除咗題材新穎之外，陣容配搭亦非常新鮮，而唔少演員亦有不俗嘅表現，當中包括飾演潘小渝年輕版嘅區明妙。

魚仔（陳嘉慧飾）嘅死前身分係潘小渝，生前嘅小渝父母早逝，喺學校又被同學欺負，更與老師竇哲人（許俊豪飾）發展師生戀。日前劇情就重現返佢遇害嘅經過，小渝再一次被竇哲人弄傷，而竇哲人冇關心之餘，仲大讚佢好靚，要佢即時做模特兒畀佢畫畫。小渝喺驚慌之下逃跑，期間遇上陳北河，不過佢冇幫手，淨係匿埋喺一邊。最終小渝被竇哲人發現，並再一次暴力對待佢，先大大力咁用腳踢佢，然後用手箍佢條頸，最後仲推佢個頭多次撞牆，小渝最終慘死兼被棄屍荒野。

呢集出街後，唔少網民都大讚佢演得好好，因為佢成功演繹可憐救助，逝世之後嘅死不瞑目，睇到觀眾有心寒嘅感覺，例如「你昨日在衰神演出無敵好看，做得好好，值得嘉許」、「衰神套劇入面你演得好好」、「最後死不瞑目的眼神，印象深刻」、「佢死嗰陣個眼神完勝陳嘉慧啦」、「真係幾好戲，表情又做得好，真係睇到個心離一離！」及「呢個小妹妹演得好好」等等。