阿仙奴斟約拿芬大衛 做亨利接班人？

joemalee

阿仙奴前鋒奧巴美揚被領隊阿迪達掟入雪櫃，令「兵工廠」要加速物色新前鋒計劃，據報效力里爾嘅約拿芬大衞係目標人選之一，而呢位加拿大新星近日亦不避嫌，著住一件偶像亨利嘅「阿仙奴Tee」現身，唔通佢都想做亨利接班人？

奧巴美揚失寵被掛牌出售，拿卡錫迪同尼基迪亞亦只剩唔夠1年合約，阿仙奴收購前鋒事在必行，據報球會已觀察約拿芬大衞一段長時間，由佢喺比利時效力真特嗰陣已經睇中，到依家喺法甲排射手榜第1位，阿仙奴當然嗒晒糖，傳聞最快今個轉會窗就會出手。

21歲嘅約拿芬大衞最近渡假期間，被影到著住偶像亨利嘅T恤，圖案係「大帝」著阿仙奴波衫嘅經典滑跪畫面，約拿芬大衞早前受訪亦公開表示：「我細個睇最多就係巴塞隆拿同雲格嘅阿仙奴，尤其係亨利同韋拉嘅比賽。」

BB29

做亨利接班人

LasCases

🈶️無咁能力。

Winston91

回復 joemalee ##1 的帖子

兵工廠準備組青春班，自然要搵多幾個年青射心接班。