夏蘭特又去西班牙度假 自爆將加盟西甲球隊

joemalee

德甲仍然在歇冬期，多蒙特射手艾寧夏蘭特繼早前去西班牙養傷之後，近日又去當地
度假，仲畀球迷認出，有人問佢下一站將會邊度踢波，呢位21歲挪威國腳直認會加盟西甲球
隊，相信好大機會係皇馬。

據悉，艾寧夏蘭特同家人都非常喜歡西班牙，今次又係去西班牙度假勝地馬爾韋利亞玩，西
班牙《阿斯報》爆料，指當地有人認出艾寧夏蘭特之後，不忘問佢未來去向，呢位射手話：
「我會喺呢度踢波，喺西班牙踢波。」

雖然艾寧夏蘭特冇透露會加盟邊一支球隊，但相信不出皇馬或者巴塞隆拿，當中以皇馬機會
比較大，因為巴塞隆拿陷入財困，難以負擔7,500萬歐元轉會費，加上經理人佣金及其他費
用，估計要簽入夏蘭特，需要總共支付1.5億歐元，現時西甲球隊之中，僅皇馬有能力負擔
呢筆費用。

LasCases

短期暫休息吓

Winston91

回復 joemalee ##1 的帖子

歐洲冬天渡假當然去西班牙，陽光與海灘。踢波就睇邊間球會財才雄厚，但皇馬要買夏蘭特定麥巴比？

Gaffy

皇馬分分鐘真係今個夏天買晒夏蘭特同麥巴比

HKtraveler

咁留低一直玩到埋班, 唔使走嚟走去

howardwo

猛將自然多球會爭