列斯占士抖2個月　車路士想重召艾馬臣

joemalee · 發表於 2022-1-2 09:19:35

車路士傷兵問題愈嚟愈嚴重，繼左翼衛芝維爾做手術提早收咧後，上場聯賽傷出嘅右翼
衛列斯占士，大腿傷患雖然唔需要做手術，但據報都要休戰2個月。為解決後防危機，車路士領
隊杜曹證實有意重召外借里昂嘅左閘艾馬臣柏美尼，但要視乎合約條款同進一步商討。

27歲嘅艾馬臣柏美尼係意大利贏歐國盃冠軍功臣，不過佢喺車路士4年都唔受重用，季初被外借
去法甲里昂1年，隨住車路士傷兵問題加劇，杜曹日前表示：「我唔想講大話，芝維爾出事後我
哋諗緊對策，其中一個可能性係艾馬臣，佢係我哋熟悉兼且好欣賞嘅球員，不過依家要先檢查
外借條款，可能要幾日或者幾個星期。」

據報里昂方面唔希望提早放人，亦有信心合約唔容許車路士提前回收，不過2間球會將繼續商討
解決方法。