祖奧簡斯路家中遇劫　力抗4匪臉部受傷

joemalee · 發表於 2022-1-1 08:58:42

效力曼城嘅葡萄牙國腳祖奧簡斯路，周五(31日)喺社交網上宣布遇劫受傷消息，據報
佢喺屋企遇上4名行劫匪徒，為保護家人而作出反抗，最終慘被打傷，祖奧簡斯路嘅眼睛同額
頭都有明顯傷痕，暫時未知會唔會影響佢上陣比賽。

祖奧簡斯路喺社交網貼出受傷自拍照，留言表示：「好不幸我今日被4個懦夫襲擊，佢哋傷害
我同企圖傷害我家人，當我反抗就發生呢件事(受傷)。佢哋搶走我嘅珠寶同埋搞到我塊面咁樣
，不過對我嚟講家人先係最重要，好幸運所有人都安然無恙。我嘅人生遇過唔少難關，今次
只係另一個我會克服嘅難關，我會一如以往咁堅定同強壯。」

曼城隨後亦發出聲明，證實祖奧簡斯路係喺屋企遇劫兼遇襲，但未有透露呢位右閘嘅傷勢情
況。曼城目前20場聯賽當中，祖奧簡斯路有19場都係正選上陣，係領隊哥迪奧拿心目中不可
或缺嘅主力。