4場創造5球　兵工廠或加碼留住拿卡錫迪

joemalee · 發表於 2021-12-27 21:02:12

阿仙奴喺英超作客大勝諾域治5比0，除咗梅開二度嘅布卡約沙卡搶鏡之外，前鋒拿卡錫
迪表現亦可圈可點，佢有1次助攻，以及博到12碼，自己操刀射入，近4場比賽創造5個入球，阿
仙奴可能會加碼，開出高薪合約綁實佢。

由於奧巴美揚早前違反紀律，被球會雪藏，令拿卡錫迪獲得重用，呢位30歲法國前鋒不負所托，
近4次上陣射入2球及3次助攻，換言之平均每場創造超過1個入球，效率非常高。

英國傳媒指拿卡錫迪將於今季結束後約滿，雙方一直未能就續約達成協議，兵工廠原本打算放棄
佢，但眼見拿卡錫迪近期表現神勇，加上奧巴美揚去留成疑，會方改變主意，將準備重新同拿卡
錫迪傾續約，可能會加碼滿足佢嘅人工要求。