C朗回歸訓練　曼聯夫添迎聖誕快車

joemalee · 發表於 2021-12-25 09:57:44

因隊內爆發新冠肺炎而連續取消2場聯賽嘅曼聯，疫情危機似乎已告一段落，球隊周四(23日)獲C朗
拿度等球星回歸練習，前鋒拉舒福特更喺曼聯官網表示，隊中幾乎所有隊員都可以出席操練，意味
疫情危機已經解除，可以「夫添」迎接聖誕快車。

曼聯早前被指有19名職球員確診，不過自卡寧頓訓練基地重開後，周三(22日)訓練已有超過20名球
員復操，而C朗拿度等亦喺周四加入，呢位葡萄牙球星亦喺社交網站分享練習相片，同佢喺分隊賽
入面贏波嘅隊友大合作，寫上「Winning Team」嘅字句，士氣高昂。

英格蘭前鋒拉舒福特亦喺官方表示：「我哋已經練習緊，今日(周四)差唔多全部都返晒嚟，仲有幾
個聽日都會加入，所以曼聯依家基本上係『夫添』，呢個係非常正面嘅消息。」曼聯下場賽事係下
周二(28日)凌晨作客紐卡素。