高普宣布拒簽冇打疫苗球員

joemalee · 發表於 2021-12-20 21:04:34

英超近期疫情大爆發，要求強制球員打疫苗嘅聲音愈嚟愈高，作為呢個計劃支持者嘅利物浦領隊高普
，日前公開表示「紅軍」未來作出嘅收購，有冇打疫苗會係考核條件之一。

高普表示：「當球會想簽一個球員，有冇打疫苗肯定會係重要因素之一，如果我簽一個冇打疫苗嘅球
員，佢就會成為球隊上下持續嘅威脅。個球員本身都唔想成為大家嘅威脅，可能佢唔在乎其他人點睇
，但事實上佢就係一個威脅。」呢位德國教練再解釋：「站在一個組織立場，簽冇打疫苗球員有好多
麻煩，佢可能要用唔同更衣室、坐唔同巴士、喺唔同地方食飯等等，呢啲問題好難唔成為買人嘅考慮
因素。」

高普日前表示依家所有利物浦球員都已接種疫苗，但最近依然有華基爾雲迪積克、法賓奴同居迪斯鍾
斯確診。