夏蘭特食白果　多蒙特即輸波

joemalee · 發表於 2021-12-20 09:38:55

多蒙特患上「夏蘭特依賴症」，呢位射手喺周日(19日)凌晨德甲，表現失準，未能取得入球，「蜜蜂兵團」
立即輸波，作客以2比3不敵哈化柏林，1.4倍熱W倒灶。第2位嘅多蒙特輸波後，已經落後榜首拜仁慕尼黑9
分，恐怕好難追。

多蒙特原本有個好開始，上半場31分鐘由祖利安白蘭特射入，打開紀錄，但換邊之後，表現走晒樣，被哈化
柏林喺18分鐘內連入3球，包括貝科迪爾邊線快放，殺入禁區近門射入，以及馬高列治達2次勁射破網。

雖然多蒙特喺83分鐘由後備上陣嘅泰基斯頂入1球，但為時已晚，自2017年之後首次輸畀哈化柏林。
艾寧夏蘭特今仗踢足全場，但狀態低迷，賽後被德國《圖片報》評為表現第2低分嘅多蒙特球員，呢位挪威
國腳應該要趁歇冬期加操，提升狀態。