助明尼路奪雙冠 迪哥冬窗有機重返西甲

joemalee

疫情期間一度失業嘅迪亞高哥斯達，今年征戰巴甲取得事業第二春，幫助明尼路奪得巴甲及巴西
盃雙料冠軍，賽後傳出佢有機會重返西甲，《世界體育報》報道，艾爾切同卡迪斯都想簽佢。

「迪哥」已經33歲，去年佢同馬體會解約後，大家都以為佢職業生涯玩完，但佢喺失業7個月後，
今年返巴西加盟明尼路，上陣19仗入5球，協助明尼路奪得巴甲及巴西盃雙料冠軍，令自己嘅足球
生涯起死回生。

報道指，兩支西甲中下游球隊艾爾切同卡迪斯，都希望「迪哥」冬窗期間加盟，幫手護級，證明
佢喺歐洲仲有市場，但佢同明尼路簽約到2022年底，點樣安排就要再傾傾。

BB29

取得事業第二春

Winston91

回復 joemalee ##1 的帖子

咁唔算第二春，始終巴甲水平同西甲水平差好遠，不過繼續有正選踢和入波都係好事

LasCases

成身傷。