麥巴比官台吐心聲：我要名留青史！

joemalee · 發表於 2021-12-18 23:03:50

基利安麥巴比一直同巴黎聖日耳門續約問題拉鋸，傳聞佢決心轉投皇家馬德里，不過一齊仲有彎轉，關
鍵係PSG有冇能力同決心贏歐聯，而線索就係近日佢接受PSG官台訪問嘅一番說話，麥巴比話，入幾多球
又如何？最重要係捧盃！

麥巴比表示：「我一直希望喺世界足球歷史上留名，對我個人嚟講，上季我表現甚佳，足足入咗40球，
亦係上季最佳射手，但球隊未能贏得法甲及歐聯冠軍，最後我問自己：如果冇冠軍，入50球又有咩意義？」

跟住佢又話：「我寧願入少啲波，例如入30球，交多啲助攻，然後贏聯賽及歐聯，我個人狀態甚佳，應該
贏多幾個冠軍，歐聯、聯賽及國內盃賽，咁先最重要。」

有消息指麥巴比只有22歲，未必一定去皇馬，佢媽媽亦希望佢2024年巴黎奧運之前留喺巴黎發展，睇嚟
麥巴比留隊唯一關鍵，就係PSG能否贏得歐聯冠軍。